2月份我家裡舉行了一個私人派對,以下是PD的小記Winsy的直擊報導:豬公~~你去左邊？
話說小記某一天，打開 e-貓既時候見到一封由失蹤左好耐既豬公發出既邀請信，邀請大家去佢錦田既屋企一聚。仲話自己未做過搞手想搞搞佢~~ 小記見佢咁有誠意，當然二話不說咁答應左。陸陸續續都有成 7 至 8 人話去架… 但如事者，等到差唔多約定既日子，但都冇人聯絡幾時、邊度等之類既消息。之後，都係要由專業搞手天仙同天爺幫手約一約。
但係，當大家入到元朗既時候，豬公打電話話俾我地知要去買椅子，話屋企唔夠用 wor…其實，我地都係得７個人咁大把姐。。。 （財爺、天仙、天爺、鼻涕姐、薯仔、小記、細 I）咁我地就係茶餐廳度食住等豬公，如是者等到食晒野都未見佢個影… 終於現身既時候，我地就打算去買下野食啦… 當我地好狼狽咁買完野去餐廳搵佢地，豬公又失蹤啦~~
豬公~~你 D 玩具真係勁呀～～
１４吋正方形電視玩 WII 你試過未？豬公既玩具之一。。。唔單止玩得精彩（因為睇唔到，大家要行埋小小而引起玩 WII 大動作既小意外） ，仲令大家體驗到玩WII 既 Minimum distance
１４吋未夠堅，７吋手提電腦玩 Winning…再連接個 22 吋 Mon 玩，D 線唔係專業人士一定連繫唔到… 仲要跟機有埋中古手制…勁﹗﹗
WII 既保零大家都玩得好高興，如果加埋個像真度極高既保零球俾用黎打又點睇？一定 High 到打爆部 14 吋電視﹗@@ 係屋企整張桌球枱玩玩，我諗係好多男仔都夢寐以求既事﹗邊個做到？緊係我地既 Playboy 豬公啦﹗一張枱球枱加 2 支 Q…
嘩﹗係邊個屋企可以玩到咁多樣化既活動？緊係豬公啦﹗
